2016 წლის 29 თებერვლიდან სსიპ ქალაქ ქუთაისის N17 საჯარო სკოლა აცხადებს უფასო კონკურსს „პირველი სასკოლო ჰაკათონი“ (www.hakaton.17school.ge).

პირველი სასკოლო ჰაკათონი არის მარათონი, სადაც სხვადსხვა სკოლის მოსწავლეებიდან შექმნილი გუნდები ერთი დღის განმავლობაში მუშაობენ ახალ იდეებზე, ტექნოლოგიებზე და ეჯიბრებიან ერთმანეთს.

კონკურსის მიზანია: მე-7, მე-8 და მე-9 კლასის მოსწავლეთა საინფორმაციო ტექნოლოგიების უნარ-ჩვევების ცოდნის ესგ-ის ისტ-ს სტანდარტის შესაბამისად გამოყენების ხარისხის გამოვლენა და მათი განვითარება, მოსწავლეთა მოტივაციის ამაღლება და საუკეთესო გუნდის გამოვლენა. კონკურსი გააერთიანებს საქართველოს სხვადასხვა საჯარო სკოლის მოსწავლეებს, რომლებსაც შეუძლიათ სხვადასხვა პროგრამული, დეველოპერული, დიზაინური და საინჟინრო სამუშაოების შესრულება.

კონკურსს მხარდამჭერები არიან აკაკი წერეთლის სახელობის სახელმწიფო უნივერსიტეტი და აშშ-ს მისურის კოლუმბიის უნივერსიტეტის დოქტორი ალექსანდრე ლობჟანიძე.

დეტალური ინფორმაციის მისაღებად მიჰყევით ბმულს