მასწავლებელთა პროფესიული განვითარების ეროვნული ცენტრი აცხადებს რეგისტრაციას უფროსი და წამყვანი მასწავლებლებისთვის, ტრენინგზე „მასწავლებლის მიერ შექმნილი ეფექტური და ეფექტიანი სასწავლო რესურსის მნიშვნელობა სწავლება-სწავლის პროცესში“. რეგისტრაცია გაგრძელდება მიმდინარე წლის 20 დეკემბრის ჩათვლით.

კურსის ფარგლებში, მონაწილეები გაეცნობიან იმ რესურსის ტიპებს, რომლებიც შეფასდება სქემის ფარგლებში; გაეცნობიან და პრაქტიკულად გამოიყენებენ სასწავლო რესურსის შეფასების რუბრიკას; იმსჯელებენ რესურსის გამოყენების რეფლექსიის საორიენტაციო შეკითხვებზე და შეძლებენ მოდიფიცირების გზით გააუმჯობესონ კონკრეტული რესურსის გამოყენების რეფლექსია; საგნობრივი მიმართულებების მიხედვით შექმნიან სასწავლო რესურსების მონახაზს და მისი გამოყენების ინსტრუქციას; შეძლებენ რესურსის გამოყენების პროცესის რეფლექსიის ჩამოყალიბებას.

ტრენინგ-მოდული მოიცავს 2 დღეს, სულ 10 საკონტაქტო და 5 არასაკონტაქტო საათს. კურსის წარმატებით გავლის შემთხვევაში, მსმენელი მიიღებს 0.5 კრედიტს.

რეგისტრაციისთვის იხ. ბმული:  http://tpdc.ge/maswavlebeli1/