მასწავლებელთა პროფესიული განვითარების ეროვნული ცენტრის პროგრამა eTwinning-ის ფარგლებში დაგეგმილ კონფერენციაზე „ციფრული მოქალაქეობა და eTwinning-ი” მომხსენებლის სტატუსით მონაწილეობის მსურველთა  რეგისტრაცია გამოცხადდა.

მომხსენებლის სტატუსით მონაწილეობის მსურველთა ონლაინ-რეგისტრაცია 25 ივნისამდე გაგრძელდება. 5 ივლისამდე მასწავლებლებმა უნდა გამოაგზავნონ თემის აბსტრაქტი ქართულ ენაზე (არაუმეტეს 500 სიტყვა) შემდეგ ელექტრონულ მისამართზე: etwinningplus@tpdc.ge, ხოლო მსურველს, რომლებიც გადალახავენ შერჩევის ეტაპებს, 10 ივლისამდე დაუკავშირდება ცენტრის წამომადგენელი დამატებით ინფორმაციის მიწოდების მიზნით.

კონფერენციის მიზანია პედაგოგთა საუკეთესო გამოცდილების გაზიარება და საპროექტო იდეების გამოვლენა. ზოგადსაგანმანათლებლო სკოლებში ევროპული ღირებულებების პოპულარიზაცია. მასწავლებლების მოტივირება, მათ შორის თანამშრომლობის, კომუნიკაციის ხელშეწყობა და სწავლა/სწავლების ინოვაციური პრაქტიკების გამოვლენა-გაზიარება.

კონფერენციაში მონაწილეობის მიღება შეუძლია პროგრამაში ჩართულ საჯარო და კერძო ზოგადსაგანმანათლებლო დაწესებულების მასწავლებლებს.

დეტალური ინფორმაციის მისაღებად მიჰყევით ბმულს

რეგისტრაციისთვის მიჰყევით ბმულს