მასწავლებლის პროფესიის პოპულარიზაციის მიზნით სსიპ - მასწავლებელთა პროფესიული განვითარების ეროვნული ცენტრი აცხადებს ნახატების კონკურსს სკოლის მოსწავლებისთვის.

• კონკურსში მონაწილეობის მიღება შეუძლიათ საჯარო და კერძო სკოლის I-XII კლასის მოსწავლეებს;
• ნამუშევარის სიუჟეტი უნდა ასახავდეს კონკურსანტის მასწავლებელს, საქმიანობის პროცესში;
• ნახატის შესრულების ტექნიკა და ზომა შეზღუდული არ არის;

 საკონკურსო მასალის გაგზავნის წესები:

• ნახატის ელექტრონული ვერსია უნდა გამოგზავნოთ ცენტრის ელექტრონულ ფოსტაზე: tpdc.georgia@gmail.com
• ელექტრონულ ფოსტაში აუცილებელია მიეთითოს კონკურსანტის სახელი და გვარი, მუნიციპალური ცენტრი, სკოლა, კლასი და ნახატზე გამოსახული მასწავლებლის ვინაობა. 

გამარჯვებულების გამოვლენა და დაჯილდოება:

ნახატები განთავსდება მასწავლებელთა პროფესიული განვითარების ეროვნული ცენტრის facebook-ის ოფიციალურ გვერდზე და გამარჯვებული გამოვლინდება ე.წ „ლაიქების“ საშუალებით.

გამოვლინდება სამი გამარჯვებული, რომელთაც გადაეცემათ ფასიანი საჩუქარები, ხოლო დანარჩენი მონაწილეების ნამუშევრების გამოფენა მოეწყობა მასწავლებლის სახლში დაჯილდოების ცერემონიალზე.

კონკურსანტმა უნდა წარმოადგინოს მხოლოდ ერთი ნახატი.