მასწავლებელთა პროფესიული განვითარების ეროვნულმა ცენტრმა, თანამედროვე საქართველოს ზოგადი განათლების ისტორიაში პირველად, სპორტის მასწავლებლების გადამზადება დაიწყო.
ტრენინგ-მოდულს, რომელიც უწყებათაშორისი ჯგუფის მიერ საგანგებოდ შემუშავდა, საქართველოს ფიზიკური აღზრდისა და სპორტის სახელმწიფო სასწავლო უნივერსიტეტი ახორციელებს.
ტრენინგებზე სპორტის მასწავლებლები თეორიულ ცოდნის განახლებასთან ერთად, პრაქტიკულ აქტივობებსაც გადიან. სატრენინგო კურსში სხვადასხვა საკითხებთან ერთად ადგილი ეთმობა ჯანსაღი ცხოვრების წესის პოპულარიზაციის ხელშეწყობას.
ტრენინგების მიმდინარეობას დღეს მასწავლებელთა პროფესიული განვითარების ეროვნული ცენტრის დირექტორი გიორგი მაჩაბელი და ფიზიკური აღზრდისა და სპორტის სახელმწიფო სასწავლო უნივერსიტეტის რექტორი ჯემალ ძაგანია გაეცნენ.
სატრენინგო პროგრამით 2017 წლის ბოლომდე 750 სპორტის მასწავლებელი გადამზადდება.
|
11 ნოემბერი , 2017
