მასწავლებელთა პროფესიული განვითარების ეროვნული ცენტრი საგნობრივ ტრენინგებზე რეგისტრაციას იწყებს. ტრენინგები განკუთვნილია მასწავლებლის საქმიანობის დაწყების, პროფესიული განვითარებისა და კარიერული წინსვლის სქემაში პრაქტიკოს მასწავლებლად განაწილებული პედაგოგებისთვის, რომლებიც რეგისტრირებულები არიან საგნის გამოცდაზე.

სატრენინგო პროგრამა ხელს შეუწყობს პრაქტიკოსი პედაგოგების საგნობრივი ცოდნის აქტივაციას, საგნობრივი მეთოდიკის ასპექტების და ზოგადი პროფესიულ უნარების განვითარებას. ტრენინგის მიმდინარეობისას მასწავლებლებს საშუალება ექნებათ გაეცნონ საგნის გამოცდის მოთხოვნებს და დაადგინონ საკუთარი ძლიერი და სუსტი მხარეები, რათა უკეთ დაგეგმონ გამოცდებისათვის მზადების პროცესი.

ტრენინგის გავლა უფასოა საჯარო სკოლის მოქმედი მასწავლებლებისთვის, ასევე იმ კერძო სკოლების პედაგოგებისთვის, რომლებიც ჩართულნი არიან მასწავლებლის საქმიანობის დაწყების, პროფესიული განვითარებისა და კარიერული წინსვლის სქემაში. მუსიკის, სპორტისა და ხელოვნების საგნობრივ ტრენინგებზე რეგისტრაცია უახლოეს პერიოდში გამოცხადდება.