მასწავლებელთა პროფესიული განვითარების ეროვნული ცენტრი არაქართულენოვანი სკოლების მასწავლებელთა პროფესიული განვითარების ხელშეწყობის მიზნით არაქართულენოვან ტრენერთა შერჩევას იწყებს. კონკურსით შერჩეული ტრენერები ეთნიკური უმცირესობების წარმომადგენელ პედაგოგებს მშობლიური ენაზე პროფესიული განვითარების სხვადასხვა ტრენინგებს ჩაუტარებენ.

კონკურსში მონაწილეობა შეუძლიათ აზერბაიჯანულ, რუსულ და სომხურენოვან პირებს, რომლებსაც აქვთ უმაღლესი განათლება საგნის მიმართულებით და ზოგადსაგანმანათლებლო დაწესებულებაში სწავლების მინიმუმ 2-წლიანი გამოცდილება. შერჩევისას უპირატესობა მიენიჭება კანდიდატს, რომელსაც აქვს ტრენერობის გამოცდილება და თავისუფლად ფლობს ქართულ ენას.

ტრენერის პოზიციის დაკავების მსურველებმა რეგისტრაცია უნდა გაიარონ ვებგვერდზე hr.gov.ge  კონკურსი ორეტაპიანია. პირველ ეტაპზე კანდიდატის შერჩევა მოხდება წარმოდგენილი დოკუმენტაციისა და კვალიფიკაციის საფუძველზე, ხოლო მეორე ეტაპზე მსურველები გასაუბრების გზით შეირჩევიან. დამატებით ინფორმაციას მსურველი პირები შეიძლება გაეცნონ მასწავლებელთა პროფესიული განვითარების ეროვნული ცენტრის ვებგვერდზე tpdc.gov.ge კონკურსების განყოფილებაში.

მასწავლებელთა პროფესიული განვითარების ეროვნული ცენტრის მიზანია სკოლაში სწავლისა და სწავლების ხარისხის გაუმჯობესების ხელშეწყობა მასწავლებლის პროფესიული ცოდნისა და საქმიანობის მაღალი სტანდარტის დამკვიდრების, მასწავლებლის პროფესიის სტატუსის ამაღლების გზით. არაქართულენოვანი სკოლების/სექტორების მასწავლებლები საქართველოს ზოგადი განათლების სისტემის მნიშვნელოვან სეგმენტს წარმოადგენენ, რომლის გაძლიერება ცენტრის პრიორიტეტულ ამოცანას წარმოადგენს.

დეტალური ინფორმაციის მისაღებად მიჰყევით ბმულს