მასწავლებელთა პროფესიული განვითარების ეროვნული ცენტრის ინიციატივით საჯარო სკოლებში დაწყებითი საფეხურის დამრიგებლებისთვის ინფორმაციულ-საკომუნიკაციო ტექნოლოგიების საკლასო ოთახში დანერგვის ხელშეწყობის მიზნით ინდივიდუალური კონსულტაციები მიმდინარეობს. კონსულტაციები I-II კლასის დამრიგებლებისთვის არის გათვალისწინებული და მათ ხელს უწყობს ტრენინგებზე მიღებული ცოდნის პრაქტიკულად დანერგვაში.

დაწყებითი კლასების დამრიგებლებისთვის მასწავლებელთა პროფესიული განვთარების ეროვნული ცენტრი მრავალფეროვან ტრენინგებს ახორციელებს, მათ შორისაა „1:1 ელექტრონული სწავლების დანერგვა“, „შებრუნებული საკლასო ოთახი“ „ინტელის ძირითადი კურსი: პროექტებით სწავლება და ინფორმაციულ-საკომუნიკაციო ტექნოლოგიების ინტეგრირება“. მიმდინარე წელს აღნიშნულ ტრენინგებს დაწყებითი კლასების 3200 დამრიგებელი გაივლის. 2015 წლამდე ტრენინგები გაიარა I კლასის დამრიგებლების 95%-მა, II კლასის დამრიგებლების 50%-მა და III კლასის დამრიგებლების 35%-მა. ინფორმაციულ-საკომუნიკაციო ტექნოლოგიებში მასწავლებლების კონსულტირება წლის ბოლომდე გაგრძელდება.