მასწავლებელთა პროფესიული განვითარების ეროვნულმა ცენტრმა უსინათლო და მცირემხედველი პირების მასწავლებლებისთვის პროექტის „ინკლუზიური განათლების დანერგვა პროფესიული განათლებისა და გადამზადების სისტემაში“ ფარგლებში საზოგადოებრივ ტრანსპორტსა და აეროპორტში მობილობისა და სივრცეში ორიენტაციის ტრენინგები ჩაატარა.

ტრენინგ-მოდული განკუთვნილია მასწავლებლებისთვის, მშობლებისა და მათთვის, ვინც მხედველობის დარღვევის მქონე პირებთან მუშაობს და მათ სივრცეში დამოუკიდებლად ორიენტირების და გადაადგილების ტექნიკებს ასწავლის. პილოტირების შემდეგ ტრენინგ-მოდული დამტკიცდება და 2016 წლიდან მის გავლას მასწავლებლები და სხვა დაინტერესებული პირები შეძლებენ.

სწავლება ნორვეგიის მთავრობის მხარდაჭერით მიმდინარე პროექტის „ინკლუზიური განათლების დანერგვა პროფესიული განათლების და გადამზადების სისტემაში“ ფარგლებში ხორციელდება და მისი მიზანია უსინათლო და მცირემხედველი პირების დამოუკიდებელი ცხოვრებისთვის საჭირო უნარებით აღჭურვა.

2016 წლიდან დაგეგმილია ტრენინგ-მოდულის მეორე და მესამე დონის შემუშავება, რაც სპეციალისტებს საშუალებას მისცემს კიდევ უფრო გაიღრმავონ ცოდნა ამ მიმართულებით და სწავლების ტექნიკები დახვეწონ.