მასწავლებელთა პროფესიული განვითარების ეროვნული ცენტრი პროფესიულ განვითარებაზე ორიენტირებული საჯარო სკოლის მოქმედი მასწავლებლებისთვის გრძელვადიან და მოკლევადიან სასწავლო პროგრამებზე რეგისტრაციას განაგრძობს. რეგისტრაცია ცენტრის ოფიციალურ საიტზე 5 ივლისამდე გაგრძელდება.

მასწავლებლებს შესაძლებლობა ეძლევათ ტრენინგები გაიარონ ეროვნული სასწავლო გეგმით გათვალისწინებულ 16 საგანში. აღნიშნული საგნებია:

• ქართული ენა და ლიტერატურა

• მათემატიკა

• ინგლისური

• გერმანული

• ფრანგული

• რუსული

• ფიზიკური აღზრდა

• სახვითი და გამოყენებითი ხელოვნება

• მუსიკა

• გეოგრაფია

• ისტორია

• სამოქალაქო განათლება

• ბიოლოგია

• ქიმია

• ფიზიკა

• დაწყებითი განათლება

ცენტრი მასწავლებლებს საშუალებას აძლევს, თავად აირჩიონ ტრენინგის გავლისთვის სასურველი ტერიტორიული ერთეული. დარეგისტრირებულ კანდიდატს ეცნობება კურსის ჩატარების ზუსტი დრო.

მასწავლებლები პროგრამის ფარგლებში, საგნების მიხედვით გაივლიან სწავლების მეთოდიკას და სტრატეგიებს, ასევე მოსწავლეთა შეფასებისა და გაკვეთილის დაგეგმვის საკითხებს.

საჯარო სკოლის მოქმედ მასწავლებლებს, რომლებსაც აღნიშნული ტრენინგი არ გაუვლიათ, სწავლება დაუფინანსდება, სხვა დაინტერესებული პირებისთვის კი ტრენინგი ფასიანია.

დაინტერესებულ პირებს სააპლიკაციო ფორმის შევსება შეუძლიათ მითითეულ ბმულზე: http://www.tpdc.ge/registration1/reg/.