„საქართველოს ბავშვთა და ახალგაზრდული საგუნდო კოლექტივების I ეროვნული კონკურსი“ დასრულდა.

გალა კონცერტი და საზეიმო დაჯილდოება გაიმართა თბილისის სახელმწიფო კონსერვატორიის მცირე დარბაზში, სადაც მასწავლებელთა პროფესიული განვითარების ეროვნული ცენტრის სახელით კონკურსის ორგანიზატორებს წარმატება მიულოცა და საჯარო სკოლების მუსიკის მასწავლებლებისთვის დაწესებული სპეციალური პრიზები გადასცა ცენტრის ესთეტიკური აღზრდისა და მუსიკის ექსპერტ-კონსულტანტმა რუსუდან თაყაიშვილმა.

კონკურსში მონაწილე 260 საგუნდო კოლექტივიდან 116 ზოგადსაგანმანათლებლო სკოლა იყო, რომელთაც საგუნდო კოლექტივების I ეროვნული კონკურსში მონაწილეობისათვის სერტიფიკატები გადაეცათ.

კონკურსი საქართველოს საგუნდო საზოგადოების, თბილისის ვანო სარაჯიშვილის სახელობის სახელმწიფო კონსერვატორიის, ე. მიქელაძის სახელობის ცენტრალური სამუსიკო სასწავლებლისა და საქართველოს ფოლკლორის სახელმწიფო ცენტრის ინიციატივით განხორციელდა.

კონკურსის მხარდამჭერები იყვნენ კულტურის და ძეგლთა დაცვის სამინისტრო, თბილისის მერია, საპატრიარქოს ახალგაზრდულ ცენტრი და მასწავლებელთა პროფესიული განვითარების ეროვნული ცენტრი.