მასწავლებელთა პროფესიული განვითარების ეროვნული ცენტრის პროგრამის „ასწავლე საქართველოსთვის“ მონაწილის, ქართული ენისა და ლიტერატურის მასწავლებლის თეა ტალახაძის ინიციატივითა, ხარაგაულის საგანმანათლებლო რესურს-ცენტრის და ხარაგაულის განათლების, კულტურის, სპორტის და ახალგაზრდულ საქმეთა სამსახურის მხარდაჭერით ხარაგაულის სახალხო თეატრმა მესტიის მუნიციპალიტეტის ჭუბერის კულტურის სახლში ორი სპექტაკლი გამართა.

თოჯინების თეატრი მცირეწლოვანი ბავშვებისთვის და ილია ჭავჭავაძის ბიოგრაფიისა და შემოქმედების საფუძველზე შექმნილი სპექტაკლი "თანამდევი სული" მოზარდებისთვის.

ღონისძიებას ესწრებოდნენ, როგორც ჭუბერისა და ყარ-სგურიშის სკოლის მასწავლებლები და აღსაზრდელები, ასევე ადგილობრივი თემის სხვა წარმომადგენლებიც.