მასწავლებელთა პროფესიული განვითარების ეროვნული ცენტრისა და ილიას უნივერსიტეტის ერთობლივი ღონისძიების ფარგლებში ხუთი საჯარო სკოლების ქიმიისა და ხუთი ბიოლოგიის პედაგოგი პოლონეთში, ვარშავაში, კოპერნიკის სამეცნიერო ცენტრში გაემგზავრნენ.
კოპერნიკის სამეცნიერო ცენტრი ყოველწლიურად მართავს ფორუმს, რომლის მიზანია საბუნებისმეტყველო საგნების პოპულარიზაცია. ამასთან კოპერნიკის ცენტრი ახორციელებს სხვადასხვა საგანმანათლებლო პროგრამას. მათ შორისაა საბუნებისმეტყველო მეცნიერებათა კლუბის შექმნა მოსწავლეთა არაფორმალური განათლების ხელშეწყობისათვის.
ფორუმის პროგრამით გათვალისწინებულ სამუშაო შეხვედრების გარდა კოპერნიკის სამეცნიერო ცენტრში პედაგოგები გაეცნობიან ცენტრის სტრუქტურას და მუშაობის სპეციფიკას, სამეცნიერო კლუბების ჩამოყალიბებისა და სასკოლო ქსელების განვითარების სტრატეგიას, საბუნებისმეტყველო საგნების სწავლების პროცესში ექსპერიმენტების დაგეგმვასა და განხორციელებას ხელმისაწვდომი რესურესებით.
ვიზიტის დასრულების შემდეგ პედაგოგები თავიანთ სკოლებში ჩამოაყალიბებენ საბუნებისმეტყველო კლუბებს და პოლონეთში მიღებულ გამოცდილებას გაუაზიარებენ რეგიონის სხვა სკოლებს, რაც დასაბამს მისცემს საბუნებისმეტყველო კლუბების სასკოლო ქსელების ჩამოყალიბებას.
მასწავლებლების შერჩევა მოხდა სქემის მონიტორინგის ანგარიშის საფუძველზე. შერჩევისას გათვალისწინებულ იქნა რეგიონალური პრინციპიც, რათა, შეძლებისდაგვარად, წარმოდგენილი ყოფილიყო საქართველოს ყველა რეგიონი/კუთხე.
|
16 სექტემბერი , 2014
