სასერტიფიკაციო გამოცდები გრძელდება. განათლებისა და მეცნიერების სამინისტროს მასწავლებელთა პროფესიული განვითარების ეროვნული ცენტრის დირექტორი საგამოცდო პროცესს თელავში დაესწრო.
გია მამულაშვილი თელავის უნივერსიტეტში მიმდინარე პროფესიული უნარების გამოცდაზე იმყოფებოდა. ცენტრის დირექტორმა ყველა სექტორი და ათვალიერა და გამოცდების ეროვნული ცენტრის წარმომადგენლებისგან ინფორმაცია მიიღო. სასერტიფიკაციო გამოცდებზე 40 ათასზე მეტი მასწავლებელი დარეგისტრირდა, თელავის რესურს-ცენტრში კი პროფესიული უნარების გამოცდაზე სულ 1500-ზე მეტიმასწავლებელი გავა. სასერტიფიკაციო გამოცდები 2 ივლისს დაიწყო. პროფესიულ უნარებს პედაგოგები 5 ივლისის ჩათვლით ჩააბარებენ, რის შემდეგაც საგნობრივი გამოცდები დაიწყება. სასერტიფიკაციო გამოცდები 19 ივლისს დამთავრდება. მასწავლებლები შედეგებს აგვისტოს ბოლოს გაიგებენ.
მასწავლებლის სახლში ყველა მასწავლებელს სასერტიფიკაციო გამოცდებისთვის მოსამზადებელი ტრენინგები ჩაუტარდათ. სერტიფიცირებული მასწავლებლები 75 ლარიან სახელფასო დანამატს მიიღებენ. |
04 ივლისი , 2012
