2016 წლის 29 ნოემბერს, 15:00 საათზე მასწავლებელთა პროფესიული განვითარების ეროვნული ცენტრი უმასპინძლებს გურამ ბერიშვილის საჯარო ლექციას „სასკოლო განათლება“.

გურამ ბერიშვილი გახლავთ ღვაწლმოსილი მათემატიკოსი, მსოფლიო მასშტაბის არაერთი მათემატიკური თუ განათლების თეორიის ავტორი და მკვლევარი. ათეული წლების განმავლობაში ეწეოდა პედაგოგიურ მოღვაწეობას სხვადასხვა სკოლასა თუ უნივერსიტეტში. არის „კომაროვის“ სკოლის ერთ-ერთი დამფუძნებელი და არაერთი სახელმძღვანელოს ავტორი.

ის პრაქტიკული გამოცდილება, თეორიული ცოდნა და რეკომენდაციები, რომელთა მიღებასაც საჯარო ლექციის მსვლელობისას შეძლებენ მსმენელები, მოქმედი თუ მომავალი მასწავლებლებისთვისა და განათლების ექსპერტებისათვის მეტად ღირებული იქნება შემდგომი პროფესიული განვითარებისა და პედაგოგიური პრაქტიკის გაუმჯობესებისათვის.